जर हा प्रादुर्भाव थांबला नाही तर कदाचित...

जर हा प्रादुर्भाव थांबला नाही तर कदाचित...

जर तुम्ही आज सहकार्य नाही केले तर कदाचित...
काही दिवसांनी तुमच्या account मध्ये
महिना अखेरीस पगार येणार नाही कदाचित...
काही दिवसांनी तुमची लोकलमध्ये जागा
पकडणारे कोणीतरी जागेवर नसेलच कदाचित...
ऑफिसमध्ये तुम्हाला मार्गदर्शन करणारा
तुमचा सहकारी तुमच्या बाजूला नसेल कदाचित...
काही दिवसांनी तुमचा नेहमीचा कोपऱ्यावरचा
भाजीवाला तुम्हाला दिसणार नाही कदाचित...
काही दिवसांनी तुमचा रोजचा दूधवाला
तुमच्या घरी दूध घालणार नाही कदाचित...
काही दिवसांनी तुमचा ड्राइव्हर, तुमचा वॉचमन
सुद्धा ड्युटीवर येणारच नाही कदाचित...
काही दिवसांनी पार्ट्या, गप्पागोष्टी करणारा तुमचा
एखादा मित्रही तुम्हाला भेटणार नाही कदाचित...
काही दिवसांनी तुमचा फॅमिली डॉक्टरही
तुमच्यावर उपचार करण्यासाठी नसेल कदाचित...
काय सांगावे काही दिवसांनी तुमचे दूरचे काका, तुमची जवळची आत्या, तुमचे आजोबा,तुमची आई, तुमचा भाऊ, तुमचा नवरा/बायको, तुमचे बाळ किंवा स्वतः तुम्हीच या जगात काय आहे, काय नाही, कोण आहे, कोण नाही, काय सुरू, काय बंद काहीही पाहण्यासाठी, ऐकण्यासाठी नसाल काही दिवसांनी कदाचित...

काळजी घ्या, घरी राहा, सुरक्षित राहा, स्वतः ला जपा, इतरांना जपा... आणि कोरोना संबंधित कोणतीही लक्षणे आढळली तर आरोग्य यंत्रणेशी संपर्क साधा.
~मेघा निकम