लेखाजोखा

उजाडता एक दिवस

मी मागे वळून पाहतो...

सरत्या वर्षाचा लेखाजोखा

न ठरवता मांडतो...

जोडलेली तोडलेली नाती

गावाकडची माती

भेटलेली सुटलेली माणसे

शेतातील कणसे

बांधलेली तुटलेली घरे

नक्षीदार दारे

गोड कडू आठवणी

लेकीची पाठवणी

सोप्प्या अवघड परीक्षा

विनाकारण शिक्षा

पुऱ्या-अपुऱ्या कथा

संसारातील व्यथा

उरले सुरले प्रश्न

यशापयशाचे जश्न

डोळ्यासमोर झरझर

एक पट उलगडतो

उगवत्याचे स्वागत करायला

मावळत्याला निरोप देतो...

~ मेघा